«Жаңа жылдық калейдоскоп»

   Тарихи-өлкетану мұражайында №4 арнайы мектеп-интернаты тәрбиеленушілері үшін «Жаңа жылдық калейдоскоп» шарасы ұйымдастырылды.

  Мерекелік кеште жеткіншектер алдымен өздерінің өнерлерін көрсетіп, әзірлеген концерттік бағдарламаны тарту етті. Ән шырқап, би билеп, күй шертті. Ары қарай Аяз ата мен Ақшақар өткізген «Кейіпкерді ата», «Мультфильмді ата»,  «Мультфильмнің қос кейіпкері», «Қолтырауын», «Егіздер», «Акробаттар» деп аталатын ойындарға қатысып, тапқырлықтары мен ойларының ұшқырлығын паш етті.

   Мерекелік шара соңында жеткіншектерге музей залдары бойынша экскурсия жүргізілді.