14.12.21 жылы мектебімізде ҚР Тәуелсіздік алғанына 30-жыл толу құрметіне үлкен мерекелік іс-шара өтті. Мерекелік іс-шараның басты мақсаты-өскелең ұрпақты ұлтжандылыққа тәрбиелеу, өз елінің тарихы мен тілін, мәдениеті мен салт-дәстүрін құрметтеуге баулу.
Мектеп басшысы Солтабаев Арай Болатұлы мектеп педагогтары мен қызметкерлерді марапаттады. Спортта жеткен жетістіктері үшін оқушылар қауымына алғыс жарияланып, медальдар мен грамоталар ұсынылды. Мерекелік іс-шараға келген қонақтар концерт өте жоғары деңгейде өтті деген баға беріп, мектеп педагогтары мен оқушыларға белсенділік танытқаны үшін өз ризашылықтарын білдірді.
Мерекеде әсем әуен мен тәтті күй шырқалып, сахналық қойылым қойылды, әдемі би биленді. Мереке барша жиналған қауымға ерекше көтеріңкі көңіл- күй сыйлады.
Біздің балаларымыз тек білім мен тәрбие алып қана қоймай, спорт пен шығармашылықта да өзіндік орындары бар екенін тағы бір дәлелдеп тастады.
ШҚО ББ «№4 арнайы мектеп-интернаты» КММ
